سؤال كتير بنساله .. هيا عمليات التصحيح مضمونة ؟؟ سواء الليزك التفصيلي او الفيمتو ليزك او الفيمتو سمايل .. كتير مننا بيخاف من العمليات دي واضمن اذاى انها كويسة ومش هأذى عيني
اولا الاخذ بالاسباب فرض دينى وعقلى عليك .
ومحدش ضامن عمره من ضعف نظرة بس
انا هقولك علي معلومات تخدها فى الاعتبار علشان تكون حذر وتقدر تاخد قرارك صح
اهم شىء امانة الدكتور انه يعمل العملية للشخص بس اللى ينفع له العملية .. لان من بعض المشاكل الكبيرة ان فى بعض الاشخاص عملوا عمليات تصحيح وهما اصلا مش ينفع ليهم العملية بسبب ان عندهم قرنية ضعيفة او قرنية مخروطية او في العين مشاكل اخري زي المياه البيضاء .. وعلشان تتعدي الخطوة دي لازم تسال على الدكتور اللى هتختارة ويكون له سمعة طيبة ومحدش اشتكي منه بمشاكل كبيرة فى عينه بعد العملية
شوية مفاهيم غلط وتعمل مشاكل كتير جدا على المدي القريب والبعيد
اولا مفيش حاجة اسمها يبقا عندك قرنية مخروطية ودكتور يقولك نعمل ليزك ونعمل تثبيت وبعدها هتطلع تلبس نضاره خفيفه
وترجع تقول عملت تصحيح ولبست نضاره
وبردوا ما ينفعش دكتور محترم وامين يقولك خليك بالنضارة افضل علشان القرنية عندك ضعيفة ودكتور تانى محترم بردوا يقولك تعالي ينفعلك prk ويفهمك انك دي تقنية حديثة هتصحح الابصار ..هفهمك بقى ليه مش يننفع .. اساسا تصحيح الابصار بيعتمد على اعادة تشكيل سطح القرنية بما يتناسب مع نظرك بالتالي مفيش تقنية حتى الان ظهرت بتقول ينفع للقرنية الضعيفة
علشان كده بنشوف ناس كتير يقولك انا عملت العملية وفشلت ورجعت لبست نضارة تانى .
وفى بعض الاشخاص تانية بتحصل مشاكل لا قدر الله بعد فترة طويلة بس دى بتكون مشاكل كده كده كانت هتحصل مثلا مرض المياة الزرقاء او المياة البيضاء او السكر وعمل مشاكل فى الشبكية او مشاكل فى الغدد او قضاء وقدر من عند ربنا او مشاكل تانيه .. فا دي حاجات وارد جدا تيجي لاى شخص سواء عمل ليزك او معملش
* طيب ممكن العمليه تحتاج تتعمل تاني او اني احتاج البس نضاره ؟ ايوا ممكن في احتمال واحد لكل الف شخص يعمل العمليه لان في الاول و الاخر احنا اسباب اما التعافي والشفاء فهو من عند ربنا.
طيب لو كنت واحد من الناس اللى نظرهم ضعف بعد العملية المفروض اعمل ايه
المفترض ان المركز يعملهالك تانى مجاناً لو المشكلة ان شاء الله ضعف عادي بدون اى امراض مأثرة اصلا على النظر
نيجي بقى لنقطة الاعراض والمشاكل
اعراض الليزك كلها لها علاج مفيش مشكلة زى مثلا الجفاف او الزغلله او انك تشوف هالات حولين الاضواء دي كلها مفيش منها اى مشكلة
واى استفسارات اتركة فى تعليق
