العدسات اللاصقه : اذاى تتعامل مع العدسات اللاصقة الطبية والتجميلية

العدسات اللاصقه اذاى تتعامل مع العدسات اللاصقة الطبية والتجميلية وايه هيا الاحتياطات ليها ومنين نشتريها ومراعة بعد الشروط لصحة العيون

1 – الالتزام بصلاحية العدسات يعني اللى حددهالك الدكتور 3 شهور تبقى 3 شهور 
22 – قبل ارتداء العدسات
اغسل ايدك كويس اوى بالصابون ونشفها كويس جدا بفوطه نضيفه
33 – ارتداء العدسه
دايما ابدأ بنفس العدسة اليميين او الشمال علشان مش تغلط وحط العدسة على صباعك الاسبام اللى هو الصوباع التانى واغسلها بالمحلول ( وتقدر تسال طبيبك عن افضل نوع ) وخليها بلاصبع السبابة وبصباعك الوسطي لنفس الايد هتشد الجفن اللى تحت وباى صباع فى ايدك التانيه ترفع الجفن العلوى .. وهوووب تركب العدسة فوق القرنية وتفضل ترمش كذا مره
ولو عدسة علشان الاستجماتيزم او توريك اتاكد ان الجزء التخين هو اللى تحت
44 – خلع العدسه
للعدسات العادية بص لفوق او الجنب وبهدوء المس العدسه واسحبها ناحية بياض العين وامسكها وشيلها
وبالنسبة بقى للعدسات الالي بتشد الجفون والجلد ناحية الاذن بهدوء وتحط صباعك قدام عينك وترمش والعدسة هتلاقيها نطت لوحدها على ايدك
55 – غسيل العدسه ده من الحاجات المهه جدا علشان تتجنب التهابات القرنية .. ولازم ده يتم يومياً قبل استخدام العدسات
66 – النفس الامارة بالسوء
اوعى الشيطان بلعب فى دماغك انك ممكن تغسل العدسات بالميه من الحنفية او حتى ميه معدنية لان الدموع بترفز زيوت على العدسات وعمر ما الميه هتنضف ده حتى لو انتا شايفها نضيفه .. وطبعا لا تستحمي بيها ولا تنزل بيها البحر
وطبعا الناس اللى بترطب العدسات بلسنها وبعدين تستخدم العدسه دول ليهم مكان مخصص فى الاخره ان شاء الله
7 – علبة العدسات
العلبة نضفها كل يوم وتتغير خالص كل 33 شهور حتى لو بتتنضف دايماً وبعد تنضيفها اليومي بطريقة كويسة جدا تقدر تحط فيها العدسات
88 – لو العدسة مش مخلياك مرتاح
بعض الناس تقول العدسة مش مريحانى
ودة بيكون سببه ان حضرتك عكست العدسات او ان العدسات عليها شوائب او مش اتغسلت بالمحلول كويس .. فا اتاكد ان العدسات اليميين يمين والشمال شمال وتتغسل بالمحلول كويس جدا
99 – الاخوه الفاضلات اللى بيستخدموا المكياج
اول حاجة احب اعرفهالك ان العدسة اللينه تتحط قبل ما تحطي مكياج
والعدسة المسربة للغاز تتحط بعد ما تحطى المكياج
وفى كل الحالات لما ترجعى بالسلامة تشيلى العدسة قبل ما تشيلى المكياج
والمسكره والاى لاينر لازم تكون اتواع نضيفه وما فيهاش معادن علشان ما تعملش مشاكل فى العين وهتعتم العدسه
والمكياج يكون من بره ومش يلمس جذور الرموش او حافة الجفون
10 – العدسات افضل للرياضيين
طبعا افضل من النضارة .. عدا رياضة السباحة مش تنفع معاها لا ده ولا ده لان حتى نضارات السباحة مش مجديه فى الرياضة
11 – العدسه والنضارة لا يفترقان
لو بتستخدم عدسات لاصقه لازم يكون عندك نضارة بنفس مقاسات نظرك علشان لو وقت مش هتستخدم العدسات
12 – العدسات وتصحيح الابصار
لو حابب تعمل تصحيح ابصار سواء ليزك او فيمتو لازم تتسغنى عن العدسات قبل الفحوصات والعملية بــ 3 الى 5 ايام علشان عينك تستريح منها وتكون الفحوصات دقيقة