عينى فيها حساسية واحمرت وورمت يا دكتور .. انتا من الاف الناس اللى بتتصاب بمشكلة حساسية العين .ممكن نقلل من الحساسية عن طريق كمادات المياة الباردة او القطرات المرطبة لكن مش ده العلاج النهائي

اولا نعرف الاعراض 
الاعراض بتكون فى البداية احمرار مع حرقان وخاصة فى الضوء العالي وافراز دموع باستمرار وطبعا بتصاحبها زغلله وممكن بردوا تكون مصحوبة بحساسية فى الانف والجلد حولين العين وده اسمه ايكزيما

بتحصل اذاى الحساسية ؟
العين بتكون حساسة لشىء معين زى مثلا حبوب اللقاح فى الهواء بمجرد دخوله للعين بتقوم خلايا اسمها Mast cell بافراز مادة اسمها الهستامين ودي اللى بتسبب الاحمرار والحرقان
وبردوا ده بيحصل من العدسات اللاصقه خاصة العدسات الرخيصة او التلوث او ان ايدك تكون ملوثه وتستخدم العدسات او تدعك فى عينك
طيب ينفع ادعك فى عيني عادي ؟
اه ينفع بس انتا كده هتزود افراز مادة الهستامين ودي اللى بطيبعتها هتزود بردوا الاحمرار والحرقان فى العين

الوقايه
مش تدعك فى عينك بشده او تدعكها وايدك ملوثة .. ما دخلش حيوانات غرفة النوم .. ويتم غسل مفارش السرير وتشنيفها فى الشمس لان بطبيعة الحال البكيريا بتموت .. ما توجهش التكييف مباشرة على وشك .. وللسادة اللى بيستخدموا عدسات لاصقه انتقى العدسات من عند دكتور والمحلول واغسل ايدك كويس اوى قبل ما تستخدم العدسات

طيب ايه العلاج ؟
القطرات اغلبها بتعالج اعراض الحساسية مش الحساسية نفسها وعلشان تتعالج منها لازم تتابع مع دكتور خطوة بخطوة وتنفذ تعليماته

  • [header_icon]2702 Memory Lane, Chicago, IL 60605[/header_icon]
  • [header_icon type='phone' url='tel:5102105225' url_target=''](510) 210-5225[/header_icon]
  • [header_icon type='mail' url='mailto:contact@medicenter.com' url_target='']contact@medicenter.com[/header_icon]
[mc_icon type="social" url='https://twitter.com/QuanticaLabs' icon_social='twitter'] [mc_icon type="social" url='https://www.facebook.com/QuanticaLabs/' icon_social='facebook'] [mc_icon type="social" url='https://www.pinterest.com/quanticalabs/' icon_social='pinterest'] [mc_cart_icon class='mc-icon']